İŞİD hücuma keçdi

İŞİD İraqın ən böyük neft zavodunu yenidən ələ almaq üçün hücuma keçib.

Salahaddin vilayətinin şimalında yerləşən Beyci neft zavoduna hücum edən terrorçu qruplaşma ilə İraq ordusu arasında şiddətli döyüşlər gedir.

İraq höküməti zavodun müdafiəsi üçün xeyli sayda əsgərin əraziyə səfərbər olduğunu, lakin İŞİD-in hücumlarının qarşısını almaqda çətinliklər olduğunu açıqlayıb. Tərəflərin itkiləri barədə məlumat verilməyib.

Bu arada İŞİD İraqın müxtəlif yerlərində terror aktları törədib. Bakuba şəhərində bomba yüklü avtomobil partladılması nəticəsində 4 çülki şəxs yaralanıb, Diyala vilayətində yol kənarına qoyulan minanın işə salınması nəticəsində isə yerli əhalinin formalaşdırdığı silahlı dəstənin 6 üzvü xəsarət alıb./anspress/