Rusiya vətəndaşı Afinadan sığınacaq istədi

Rusiya vətəndaşı Aleksandr Vinnik Yunanıstan hökumətinə müraciət edərək ona siyasi qaçqın statusunun verilməsini xahiş edib.

Teleqraf.com xəbər verir ki, bu barədə Ria-Novosti-yə onun vəkili İlias Spirliadis bildirib.

Saloniki məhkəməsi Vinnikin işi ilə bağlı iki qərar qəbul edib. Bir məhkəmə heyəti onu Rusiyaya, digəri ABŞ-a verməklə bağlı qərar çıxarıb. A.Vinnik birja üzərindən 4-9 milyard dollar kriptovalyutanın yuyulmasında ittiham olunur. Onu ABŞ-da 55 il həbs gözləyir.

Vinnik özünü təqsirli bilmir və bu işi “Amerika təxribatı” adlandırır.