Casusluqda ittiham olunan rus kəşfiyyatçı zəhərləndi

İngiltərənin Solsberi şəhərində yaşayan Rusiya Baş Kəşfiyyat İdarəsinin sabiq polkovniki Sergey Skripal zəhərlənmə diaqnozu ilə xəstəxanaya yerləşdirilib.

Teleqraf.com "Röyters"ə istinadla xəbər verir ki, 66 yaşlı S.Skripal Solsberi şəhərində ticarət mərkəzlərinin birində naməlum maddədən zəhərləndiyi müəyyən edilib.

Hazırda Böyük Britaniyanın hüquq-mühafizə orqanları faktla bağlı araşdırma aparır.

Qeyd edək ki, 2006-cı ildə Rusiya Federal Təhlükəsizlik Xidmətinin polkovnik-leytenatı Aleksandr Litvinenko da Londonda dostu, Rusiya Federasiyası Dövlət Dumasının deputatı Aleksey Luqovoy tərəfindən zəhərlənmişdi. O, noyabrın 23-də London xəstəxanalarından birində vəfat edib.