Ata ana imiş, ana da ata - FOTOLAR

Bianka və Nik Bouzer transseksuallardır. Bianka kişi, Nik isə qadın kimi doğulub

Cütlüyün 2 oğlu var. Onların ilk övladları bir qədər böyüdükdən sonra isə hamının ana kimi qəbul etdiyi Bianka əslində uşaqların atası olduğunu ictimaiyyətə etiraf edib. Ata kimi qəbul edilən Nik isə uşaqları dünyaya gətirib.

Hazırda Kayın 3, Paksın isə 1 yaşı var.

32 yaşlı Bianka doğularkən oğlan olub və əsil adı Ceysondur. 27 yaşlı Nik isə əslində qızdır və doğularkən ona Nikol adı verilib.

Cütlük transseksualdır, lakin onlar cinsi orqanlarını saxlayıblar. Bu üzdən kişiyə çevrilən Nik arvadı Biankadan hamilə qalmalı olub. Ailə üzvləri inanır ki, övladları valideynləri normal qarşılayacaq. Onlar uşaqlara nə zaman həqiqəti açıqlayacaqlarına qərar verməyiblər.

Amma uşaqlar kifayət qədər yaşa dolduqdan sonra anası Biankanın əslində atası olduğunu, atası Nikin isə onu doğduğunu biləcəklər.

Bianka və Nik ABŞ-ın Kentukki ştatında yaşayırlar. Hamı onların transeksual olduğunu bilir, lakin bu, normal qarşılanmır.

Nik kişi olmaq üçün kişi hormonları qəbul edib və sinəsini kəsdirib. Bianka isə sinə əməliyyatı keçirib və lazımsız tükləri məhv edib. O, qadın hormonları qəbul etməyib, çünki əvvəlcədən xarici görünüşü və səsi qadına bənzəyib. Məktəb vaxtından qadın geyimindən imtina edən Nik hamilə olarkən də özünü narahat hiss edib.

Onlar cinslərini dəyişmək niyyətində olmadığını bildiriblər. Belə ki, bu, onların seksual həyatına heç bir maneçilik törətmir.

/publika.az/