Əfqanıstanda 80 terrorçu məhv edilib, 69-u yaralanıb

Əfqanıstanın müxtəlif əyalətlərində aparılan hərbi əməliyyatlar nəticəsində son 24 saat ərzində 80-dən çox terrorçu məhv edilib

Bu barədə Əfqanıstan Daxili İşlər Nazirliyindən açıqlama verilib.

“Əfqanıstan Milli Təhlükəsizlik Qüvvələrinin 11 əyalətdə apardığı təmizləmə əməliyyatları nəticəsində son 24 saatda 80-dən çox Taliban yaraqlısı məhv edilib, 69-u yaralanıb, 4-ü isə tutulub”, - deyə məlumatda bildirilir.

Hökumət qüvvələrinin itki verib-verməməsi barədə məlumat açıqlanmayıb.

Taliban qruplaşması isə itkilərlə bağlı məlumatlara hələlik münasibət bildirməyib.

/APA/