Polis müqavimət göstərdi, amma... – Tehranda Azərbaycan gecəsi

Tehranın “Azadi” stadionunda “İstiqlal” və Güney Azərbaycanın “Traktor” furbol komandaları arasında görüş vaxtı azarkeşlər Azərbaycan bayrağı qaldırıblar.

Teleqraf.com xəbər verir ki, bayraq həm oyundan əvvəl stadionunun qarşısında, həm də oyun vaxtı tribunada nümayiş etdirilib.

Polis Azərbaycan və Türkiyə bayraqlarının stadiona buraxılmasına mane olmağa çalışsa da, azərbaycanlı azarkeşlər müqavimət göstərərək, bayrağı stadiona keçirməyə nail olublar.

90 dəqiqə “Traktor”u dəstəkləyən azarkeşlər şüarlar səsləndirərək, bozqurd işarəsi tutublar.

Oyun ev sahibi “İstiqlal”ın 3-0-lıq qələbəsi ilə başa çatıb.