Təhlükəsizlik Şurası təcili toplanır - Rusiya hədəfdə

Böyük Britaniya Solsberidə zəhərlənmə insidenti ilə bağlı yeni məlumatların müzakirəsi üçün BMT Təhlükəsizlik Şurasının iclasının keçirilməsini xahiş edib.

Teleqraf.com xəbər verir ki, bunu Britaniyanın BMT-dəki daimi nümayəndəsi Karen Pirs deyib.

Qeyd edək ki, bu gün Britaniya polisi Solsberidə Rusiyanın Baş Kəşfiyyat İdarəsinin sabiq polkovniki Sergey Skripal və qızı Yuliyanın həyatına sui-qəsddə ittiham olunan rusiyalı Aleksandr Petrov və Ruslan Boşirovu həbs edib. Britaniyalı müstəntiqlər hesab edirlər ki, hər iki şəxsin ad və soyadları başqadır.