İran o bölgəyə havadan zərbə endirdi - ABŞ-dan sərt reaksiya

ABŞ Müdafiə Nazirliyi İranın Fəratın sağ sahilinə endirdiyi raket zərbələrini pisləyib.

Teleqraf.com xəbər verir ki, Pentaqon sözcülərindən Sin Robertson bu hücumdan qabaq heç bir ölkənin xəbərdar olunmadığını vurğulayıb:

“Koalisiyamızın heç bir üzvünə zərər vurulmasa da, bu, bölgədə İŞİD-lə mübarizə aparan ölkələrə ciddi təhlükədir. Koordinasiyasız hava hücumu etmək sivil və hərbi qanunlara ziddir.

Koalisiya İŞİD-in Fərat sahilində qalan qüvvələrini məğlub etmək gücündədir. İranın bu bölgədəki hərəkətləri məsuliyyətsiz, güvənsiz və gərginlik artırandır”.