"Boz siyahıda"kı terrorçu öldürüldü

Türkiyədə adları "boz siyahıda" olan "Zülfiqar" ləqəbli PKK terrorçusu Yusif Tunç məhv edilib.

Teleqraf.com xəbər verir ki, Adıyaman vilayətinin Kömür Bəldəsi bölgəsində aparılan anti-terror əməliyyatı zamanı əmrə tabe olmayan terrorçularla hərbçilər arasında atışma olub. Nəticədə Yusif Tunç öldürülüb, daha bir terrorçu sağ ələ keçirilib.

Qeyd edək ki, avqustun 16-da Adıyamanda hərbi maşının keçdiyi yolda bomba partladılıb və hərbçilər atəşə tutulub. Bu terror aktı nəticəsində 4 hərbçi şəhid olub. Faktla bağlı aparılan əməliyyat axtarışları nəticəsində Yusif Tunçun anası Şehriban Tunçun evində PKK terrorçularına məxsus maddi sübutlar aşkar olunub. O cümlədən terrorçunun anası Şehriban Tunça yazdığı məktub tapılıb.