Daha bir ölkədən Səudiyyəyə sanksiya

Böyük Britaniya jurnalist Camal Qaşıqçının qətlində şübhəli bilinən səudiyyəlilərin vizasını ləğv edəcək.

Teleqraf.com “Anadolu”ya istinadla xəbər verir ki, bu barədə Böyük Britaniyanın Baş naziri Tereza Mey məlumat yayıb.

O, jurnalistin qətlini qınadığını söyləyib: "Şübhəlilərdən kiminsə vizası varsa, bu gündən onların İngiltərəyə daxil olmasına icazə verilməyəcək və vizaları ləğv olunacaq".

Qeyd edək ki, daha əvvəl ABŞ Qaşıqçı olayında şübəlilərlə bağlı sanksiya tətbiq olunacağını açıqlamışdı.