“Əlləri kəsilə bilər” - Tanınmış şairdən üzücü xəbər

Güney Azərbaycandan olan tanınmış şair Əmir Səlamət xərçəng xəstəliyinə tutulub.

Teleqraf.com xəbər verir ki, bu barədə siyasi fəal Əmir Tənha bildirib.

O, hazırda Savə həbsxanasında məhkumluq həyatı yaşayan şairin sümük iliyi xərçəngindən əziyyət çəkdiyini deyib:

“Əmir Səlamət türkcə tənqidi şeirlər yazdığı üçün, lakin bu şeirləri heç bir yerdə çap etdirmədiyi halda, 4 il həbs cəzasına məhkum edilib. O, Savə həbsxanasında ilyarımlıq həbsdən sonra sümük iliyi xərçənginə tutulub. Xəstəlik səbəbindən yaxın zamanda əli kəsilə bilər”.