"Sarı jiletlilər"in nümayəndəsi həbs edildi

Fransada polislər "sarı jiletlər" hərəkatının nümayəndəsi Erik Drue həbs ediblər.

E.Druenin saxlanılmasına səbəb Parisdə sanksiyalaşdırılmamış etiraz aksiyasının keçirilməsi olub.

Bildirilir ki, E.Drue yerli vaxtla saat 21:00-a yaxın Razılıq meydanında saxlanılıb.

Saxlanılan şəxsin vəkili bildirib ki, E.Drue şəhərin mərkəzində "sarı jiletləri" gösdükdən sonra onlara qoşulub. Onunlar birlikdə daha bir neçə nəfər saxlanılıb: "Bu qanunsuz həbsdir".

Qeyd edək ki, Fransada noyabrın 17-dən yanacağın qiymətinin artması ilə əlaqədar genişmiqyaslı etiraz aksiyaları keçirilir. Yanacağın qiymətinin artmasına qarşı hərəkat "sarı jiletlər" adlandırılıb.

Fransada yanvarın 1-dən benzinin qiyməti 2,9 avrosent, dizelin qiyməti isə 6,5 avrosent artmalıdır. "Europe1" radiostansiyasının məlumatına əsasən, 2018-ci il ərzində Fransada dizel yanacağının qiyməti 23 faiz, benzinin qiyməti isə 15 faiz artıb.