6 Yanvar 2019 01:17
668
12 Punto 14 Punto 16 Punto 18 Punto

Tərtər rayonunun düşmən tərəfindən işğal edilmiş Madagiz yaşayış məntəqəsində yerləşdirilən Ermənistan ordusunun bölmələrindən birində əsgərlər arasında kütləvi dava baş verib.

Azərtac bildirir ki, hərbi hissə üzrə növbətçi zabit Şakaryanın yerli KİV-ə verdiyi məlumata əsasən, Ermənistandan olan əsgərlərlə Qarabağ erməniləri arasında dava düşüb.

Zabitlərin müdaxiləsindən sonra dayandırılan kütləvi davaya artilleriya divizionunda xidmət edən Qarabağda məskunlaşmış erməni hərbçilərin ikinci atıcı taborunun irəvanlı əsgərləri təhqir etməsi səbəb olub.

Döyülən əsgərlərin dördünə tibbi yardım göstərilib. Madinyan soyadlı hərbi qulluqçu isə gözü çıxdığına görə hərbi hospitala təxliyə olunub.

Davanın səbəbkarları hərbi polisə aparılıb, faktla bağlı araşdırma başlayıb.


Müəllif: Teleqraf.com