“Məni zəhərləmək istəyirlər” – Siyasi məhbus aclıq aksiyasına başladı

Güney azərbaycanlı milli-mədəni fəal Abbas Lisani saxlandığı təcridxanada aclıq aksiyasına başlayıb.

Teleqraf.com xəbər verir ki, yaxınları siyasi məhbusun iki gün əvvəl aclıq aksiyasına başladığını bildiriblər.

Qeyd edək ki, Abbas Lisani bundan əvvəl aclıq aksiyasına başlayacağını açıqlamışdı.

O, bu addımını yemək vasitəsi ilə zəhərlənmə və özünə qarşı sui-qəsd ehtimalı ilə izah edib.

Əlavə edək ki, azərbaycanlı fəal yanvarın 15-də məhkəmə prosesi başa çatdıqdan sonra İran hüquq-mühafizə orqanları tərəfindən saxlanılıb.

Abbas Lisaniyə saxlandığı gündən yaxınları ilə görüşmək, telefon əlaqəsi saxlamaq icazəsi verilməyib.

Onun hansı səbəbdən saxlanıldığı məlum deyil.