“Kalaşnikov” konserni Ermənistana 50 yeni AK-12 modeli satır.
Teleqraf.com “Kommersant”a istinadla xəbər verir ki, bu barədə konsernin marketinq üzrə direktoru Vladimir Dmitriyev məlumat yayıb.
Onun sözlərinə görə, artıq müqavilə imzalanıb və hələlik kiçik partiya silah hazırlanır: “Onlar baxıb yoxlayacaqlar və ümid edirik, almağa davam edəcəklər”.
Vladimir Dmitriyev onu da vurğulayıb ki, Ermənistan “Kalaşnikov”un AK-12 modelini alan ilk xarici ölkə olacaq.