16 Mart 12:26
904

Rusiya Federal Təhlükəsizlik Bürosu (FTB) İŞİD terror təşkilatının Əfqanıstanın şimalını “xilafət”in yeni mərkəzi elan etdiyini açıqlayıb.

Teleqraf.com xəbər verir ki, FTB başçısının köməkçisi Sergey Smirnov İŞİD-in bölgədə silahlı hücumlarının sayını artırdığını bildirib.

Onun sözlərinə görə, Suriya və İraqdakı ağır itkilərdən sonra terror təşkilatının “xilafət” üçün yeni müqavimət nöqtələri axtarışına başlamışdı:

“Hesab edirəm ki, İŞİD yaxın gələcəkdə regional təhlükəsizlik üçün ciddi təhdid ola bilər. İŞİD-lə yanaşı, Taliban və Özbəkistan İslam Hərəkatı da ölkələrimiz üçün ciddi təhlükə deməkdir”.


Müəllif: Mənsur Rəğbətoğlu