ABŞ-da İsrail lobbi təşkilatının toplantısı başladı - Milyonlarla dollar...

Vaşinqtonda Amerika İsrail Xalqla Əlaqələr Komitəsinin (AİPAC) illik toplantısı işə başlayıb.

Teleqraf.com xəbər verir ki, İsrailin ən böyük lobbi təşkilatı olan AİPAC-nin illik toplantısı 3 gün davam edəcək.
Toplantıda 10 mindən çox insanın iştirakı planlaşdırılıb.

Konqresin Demokrat və Respublikaçı fraksiyalarının dəstəklədiyi toplantıda ABŞ-ın Qüdsü İsrailin paytaxtı kimi tanıması və Qolan təpələrinin İsrail torpaqları sayılması, habelə İsrailin təhlükəsizliyi məsələlərinin müzakirəsi gözlənilir.

O da bəlli olub ki, 2020-ci ildə keçiriləcək prezident seçkilərində Donald Trampın rəqibləri olacaq demokrat namizədlər toplantıya qatılmır.

Qeyd edək ki, 1950-ci illərdə ABŞ-da sadəcə kiçik lobbi qrupu kimi fəaliyyət göstərən AİPAC hazırda hər il Konqresə milyonlarla dollar hədiyyə verir.