Əsəd qüvvələri İdlibi bombaladı

Suriyada hökumət qüvvələri “İdlib gərginliyin azaldılması bölgəsi”nə hava hücumları təşkil edib.

Teleqraf.com xəbər verir ki, hücum nəticəsində 3-ü uşaq olmaqla ümumilikdə 5 nəfər yaralanıb. Yerli mediadan verilən məlumata görə, hava hücumlarında Rusiya istehsalı olan təyyarələrdən istifadə olunub.

Qeyd edək ki, son bir ayda Əsəd qüvvələri, İrana bağlı silahlı qruplar və Rusiyanın hücumları nəticəsində İdlibdə 150-ə yaxın mülki insan ölüb.