17 Aprel 15:15
577

Bəhreyndə İran İnqilab Keşikçiləri Korpusu (SEPAH) ilə əlaqədə olan 138 nəfər ölkə vətəndaşlığından çıxarılıb.

Teleqraf.com xəbər verir ki, bu barədə Bəhreynin baş prokuroru Əhməd əl-Həmadi jurnalistlərə açıqlamasında bildirib.

Onun sözlərinə görə, ölkədən çıxarılan qrup üzvləri istintaqda dindirilib:

“Onlar “Hizbullah” və SEPAH-la əlaqədə olmaqda ittiham ediliblər. 3 ildən ömürlük həbsə qədər məhkum olunublar. Məhkəmənin qərarı ilə müttəhimlərdən 69-u ömürlük həbsə məhkum edilib. Həmçinin axtarışda olan müttəhimlərdən 10-u qiyabi şəkildə mühakimə edilib”.

Qeyd edək ki, ABŞ rəsmi olaraq SEPAH-ı terror təşkilatı elan edib.


Müəllif: Mənsur Rəğbətoğlu