Həsən Ruhani: “ABŞ yaxın aylarda görəcək ki...”

İran Prezidenti Həsən Ruhani ABŞ-ın təzyiq və sanksiyalarına baxmayaraq ölkəsinin neft ixracatına davam edəcəyini açıqlayıb.

Teleqraf.com xəbər verir ki, bu bəyanatı Prezident Ruhani İran dövlət televiziyasında çıxışı zamanı deyib:

“Amerikanın İran neft ixracatını sıfıra çatdırmaqla bağlı qərarı xətalı qərardır. Biz bu qərarın həyata keçməsi və tətbiqinə imkan verməyəcəyik”.

Prezident canlı yayımda əlavə edib ki, növbəti aylarda amerikalılar İran neftinin ixracatının davam etdiyini görəcəklər.