27 May 2019 15:10
475
12 Punto 14 Punto 16 Punto 18 Punto

Portuqaliya Sosialist Partiyası Avropa Parlamentinə (AP) seçkilərdə 33,38 faiz səslə qalib gəlib.

Teleqraf.com xəbər verir ki, bu səs faizi Sosialist Partiyasına AP-də 6 yerlə təmsil olunmağa imkan verəcək. Ölkənin Daxili İşlər Nazirliyi bülletenlərin yüz faizinin sayılmasından sonra bu məlumatı açıqlayıb.

İkinci yeri sağ-mərkəzçi Sosial-Demokrat Partiyası qazanıb. Bu partiya 21,94 faiz səslə 4 deputat mandatı əldə edəcək. Qalan yerləri digər partiyalar götürüb.

Bazar günü keçirilən seçkidə seçicilərin cəmi 31,5 faizi iştirak edib. Halbuki, seçkidə təxminən 10,5 milyon adam iştirak edə bilərdi. AP-də Portuqaliyanın payına düşən 21 yerə 17 partiya və koalisiya iddia edib.

Mayın 23-26-da Avropa İttifaqı ölkələrində Avropa Parlamentinə keçirilən seçkilər nəticəsində növbəti 5 il üçün Avropada siyasi qüvvələr nisbəti formalaşacaq.


Müəllif: Səxavət