Gənc qız selfe çəkdirmək üçün tapançanı başına dirədi – Atəş açıldı

Rusiyada gənc xanım sosial şəbəkədə paylaşmaq üçün tapançanı başına dirəyib selfe çəkmək istəyərkən təsadüfən özünü vurub.

Teleqraf.com xəbər verir ki, hadisə Rusiya paytaxtı Moskvada baş verib.

Kollecdə təhsil alan gənc qız Moskvadakı Yerevan küçəsində dostları ilə vaxt keçirib, daha sonra tək qalıb.

Rəfiqəsinə zəng edərək ondan dəftərinin evdə qalıb-qalmadığını soruşub. Rəfiqəsi dəftəri tapmadığını bildirib. Öz evində dəftəri axtaran zaman tapança görən qız silahla selfe çəkmək fikrinə düşüb. Qız bir neçə foto çəkdikdən sonra tapançanı başına dirəyib.

Bu zaman silahdan atəş açılıb və qız yerə yıxılıb.

Rəfiqələrinin telefonuna cavab verməyən qızdan dostları şübhələnərək polisə məlumat verib. Evə daxil olan polis qızı yerə yıxılmış vəziyyətdə tapıb.

Xəstəxanaya aparılan qızın müalicəsi davam edir. Həkimlər bildirib ki, güllə qızın baş sümüyünü sıyırıb.