Zelenski Krımla sərhəddə - İlk dəfə

Ukrayna Prezidenti Vladimir Zelenski ilk dəfə Krımla sərhəddə yerləşən Çonqar nəzarət-buraxılış məntəqəsinə gəlib.

Teleqraf.com xəbər verir ki, Prezident Administrasiyası Zelenskinin 2014-cü ildən bu günədək nəzarət-buraxılış məntəqəsini ziyarət edən ilk Ukrayna prezidenti olduğunu bəyan edib.

Nəzarət buraxılış məntəqəsinin infrastrukturuna baxan Ukrayna prezidenti cari ilin sonuna kimi onun müasirləşdirilməsi barədə tapşırıq verib.

Qeyd edək ki, Krım yarımadası 2014-cü ildə keçirilən referendumla Rusiya tərkib hissəsinə çevrilib.