21 Avqust 16:13
221

ABŞ-ın Yaxın Şərqdə daha bir dronu məhv edilib.

Teleqraf.com xəbər verir ki, husilərin silahlı qruplaşması Yəmənin Zemar məntəqəsində ABŞ-a aid MQ9 tipli pilotsuz uçuş aparatını (PUA) vurduğunu elan edib.

Husilərin hərbi qanadının sözçüsü Yəhya Seri bildirib ki, ABŞ-a aid PUA Yəməndə istehsal olunan və yaxın zamanlarda cəmiyyətə təqdim ediləcək raketlə vurulub.

Sözçü Səudiyyə Ərəbistanı liderliyindəki koalisiyaya xəbərdarlıq edərək bildirib ki, Yəmən hava sahəsini əvvəllər olduğu kimi poza bilməyəcəklər.

Bu arada bəlli olub ki, koalisiya qırıcıları Zemar məntəqəsində husilərə aid hərbi obyektlərə 3 dəfə hücum təşkil edib.


Müəllif: Cavad