Rusiyanın Avropa İttifaqına qarşı tətbiq etdiyi cavab sanksiyaları Almaniyaya böyük ziyan vurur.
Teleqraf.com xəbər verir ki, bunu “Rheinische Post” qəzetinə müsahibəsində Xristian Demokrat Birliyi (CDU) Partiyasının Türingiya federal əyaləti üzrə rəhbəri Mayk Morinq söyləyib.
“Ən vacib olan Rusiya ilə dialoqun davam etdirilməsidir. Şərqi almanlar Rusiya ilə münasibətlərin normallaşdırılmasını istəyirlər”, – siyasətçi məhdudlaşdırıcı tədbirlərin yumşaldılması ehtimalı ilə bağlı suala cavab verərkən belə deyib.
Onun sözlərinə görə, şərqi Almaniya və Rusiyanın əlaqələri daha yaxındır, nəinki ölkənin qərb hissəsinin.
M.Morinqin sözlərinə görə, Moskvanın tətbiq etdiyi sanksiyalar ümumən Almaniya iqtisadiyyatına güclü təsir etmir: “Ancaq sanksiyalar bizə, xüsusilə vilayətdə kənd təsərrüfatına böyük ziyan vurur. Bütün ümidlər Minsk razılaşmaları əsasında ikitərəfli yaxınlaşmanın baş verməsinə bağlanıb”.