Ölən ərinin kuklasını düzəltdirib pul yığır - Foto

Türkiyədə 6 il əvvəl həyat yoldaşını itirən yaşlı qadın ölən ərinin obrazını hazırlatdırıb. Sağlığında toy maşınlarının qarşısını birlikdə kəsib şirinlik alan qadın indi də həyat yoldaşının “kukla”sıyla eyni ənənəni davam etdirir.

Teleqraf.com xəbər verir ki, Türkiyədə Zərgözəl Turan 6 il əvvəl itirdiyi həyat yoldaşı Naci Turanın həsrətindən xilas olmaq üçün maraqlı bir vasitə tapıb. Zərgözəl çox sevdiyi 60 yaşlı həyat yoldaşı Naci Turanın obrazını hazırladıb. Ərinin paltarını da ona geyindirib.

Həyat yoldaşı sağ ikən ənənələrə görə toy maşınlarının qarşısını kəsən Zərgözəl Turan indi də eyni ənənəni həyat yoldaşının düzəltdirdiyi obrazıyla edir.