ABŞ-İran gərginliyinə Yaponiya da qarışdı

Yaponiya ABŞ və İran arasındakı gərginliyi azaltmaq üçün diplomatik səylər göstərəcəyini bildirib.

Teleqraf.com xəbər verir ki, bu barədə Yaponiyanın Müdafiə naziri Taro Kono amerikalı həmkarı Mark Esperlə görüşdən sonra keçirilən mətbuat konfransında deyib.

Nazir mətbuat konfransından əvvəl Pentaqon rəhbəri ilə Yaxın Şərqdəki vəziyyəti, o cümlədən İrandakı son hadisələri müzakirə edib.

“Mark Esper ABŞ qüvvələrinin bölgədə necə fəaliyyət göstərdiyi barədə məlumat verdi. Mən də ona gərginliyi azaltmaq və bölgədəki vəziyyəti sabitləşdirmək üçün ardıcıl diplomatik səylər göstərəcəyimizi bildirdim”, - deyə nazir qeyd edib.