Pakistandan müharibə xəbərdarlığı - Fəlakət baş verəcək

Pakistanın Baş naziri İmran Xan İran və Səudiyyə Ərəbistanı arasında davam edən gərginliklə bağlı region ölkələrinə xəbərdarlıq edib.

Tərəflər arasında müharibə baş verərsə Pakistan da zərər görəcək. “Müharibə Pakistan üçün fəlakətə səbəb olacaq” - deyən hökumət başçısının sözlərinə görə, İslamabad gərginliyi aradan qaldırmaq üçün əlindən gələni edir. İmran Xan bəyan edib ki, Pakistanın İranla yaxşı münasibətləri olsa da, bu məsələdə tərəf saxlamır.

İmran Xan hesab edir ki, Tehran və Ər-Riyad arasında baş verə biləcək hərbi münaqişənin miqyası iki ölkə ilə yekunlaşmayacaq, qarşıdurma region ölkələrinə də təsir göstərəcək.