Silahlı şəxs kütləni atəşə tutdu

Tailandın paytaxtı Banqkokda silahlı şəxs kütlənin üzərinə 40 dəfə atəş açıb.

Teleqraf.com-un məlumatına görə, səhər saatlarında baş verən insident zamanı 44 yaşlı kişi əvvəlcə havaya atəş açıb, sonra bölgədə olan insanları atəşə tutub.

Hadisə nəticəsində xəsarət alanların olmadığı deyilir. İnsident yerinə gələn polis silahlı şəxsi saxlayıb.

Məlum olub ki, insidentdən əvvəl kişi evdə həyat yoldaşı ilə mübahisə edib və daha sonra odlu silahla evi tərk edib.