Qazaxıstanda virusa yoluxanların sayı artdı

Qazaxıstan ərazisində təsdiqlənmiş koronavirus hallarının sayı altıya yüksəlib.

Teleqraf.com xəbər verir ki, bunu ölkənin Səhiyyə Nazirliyinin rəsmi nümayəndəsi Dias Axmetşarip bildirib.

Martın 13-də Qazaxıstan Səhiyyə Nazirliyi respublika vətəndaşları arasında ilk dörd koronavirus hadisəsinin qeydə alındığını açıqlamışdı.

“Digər bir koronavirus infeksiyası Almatıda aşkar edilib. Bu, 1958-ci il təvəllüdlü özəl sahibkardır. O, bu il martın 10-da Moskvadan Almatıya uçub”, – Axmetşarip nazirliyin “Facebook” səhifəsində yayımladığı videoda bildirib.

Qeyd edib ki, digər bir xəstə Nur-Sultanda yaşayan qadındır. O, Varşavadan Qazaxıstana uçub.

Beləliklə, onun sözlərinə görə, Qazaxıstanda koronavirusa yoluxanların sayı altıya yüksəlib.