Qırğızıstanda təhlükəli durum - Sərt qərarlar qəbul olundu

Koronavirus infeksiyasının yayılması səbəbindən Qırğızıstanın bir neçə şəhər və rayonunda fövqəladə vəziyyət rejimi elan edilib.

Teleqraf.com xəbər verir ki, bu barədə Qırğızıstanın koronavirusla mübarizə üzrə qərargahından məlumat verilib.

“Martın 25-dən Bişkek, Oş və Cəlalabad şəhərlərində, Nookat, Qara-Su və Suzak rayonlarında fövqəladə vəziyyət rejimi elan ediləcək”, – deyə qərargahın məlumatında bildirilib.

Fövqəladə vəziyyət rejimi 25 mart saat 08:00-dan 15 aprel 08:00-dək qüvvədə olacaq. Bu şəhərlərin ərazisində komendant saatı tətbiq olunacaq.