30 Mart 15:06
4 238

Türkiyə Xarici İşlər Nazirliyi beynəlxalq birliyi Azərbaycanın işğal edilmiş Dağlıq Qarabağ bölgəsində keçiriləcək qondarma prezident və parlament seçkilərini tanımamağa çağırıb.

Teleqraf.com xəbər verir ki, XİN-in bəyanatında işğal bölgəsindəki separatçı rejimin dünya dövlətləri tərəfindən tanınmadığı vurğulanıb.

“Bu addım BMT Təhlükəsizlik Şurasının məlumat qətnamələrinin və ATƏT-in prinsipləri də daxil olmaqla, beynəlxalq hüquq normalarının açıq formada pozulması deməkdir. ATƏT-in Minsk Qrupu da daxil olmaqla, beynəlxalq ictimaiyyəti bu qondarma seçkiləri tanımamağa çağırırıq”, - bəyanatda bildirilib.

Bəyanatda o da vurğulanıb ki, Türkiyə Azərbaycanın ərazi bütövlüyü və suverenliyini pozacaq bu qanunsuz seçkiləri tanımır.

Əlavə edək ki, qondarma seçkilər sabah keçiriləcək.


Müəllif: Mənsur Rəğbətoğlu