Bu ölkələrdə hələ də yoluxma qeydə alınmayıb - Son durum açıqlandı/Video

Afrikada koronavirusa yoluxma hallarının sayı 17 mini keçib, 910 nəfər ölüb.

Teleqraf.com xəbər verir ki, bu barədə Afrika İttifaqı məlumat yayıb. Məlumata görə, xəstələrin ümumi sayı 17 212 nəfərə çatıb, 3542 xəstə sağalıb.

İnfeksiyaya ən çox yoluxma halı – 7,5 mindən çox – Şimali Afrika ölkələrində aşkarlanıb. Pandemiya ən az Mərkəzi Afrikaya təsir göstərib. Burada ümumilikdə təxminən 1,4 min COVID-19-a yoluxma faktı qeydə alınıb.

Afrikanın üç ölkəsində – Lesoto, Qərbi Sahara və Qəmər adaları ada dövlətində indiyədək koronavirusa yoluxma halı aşkar edilməyib.

Qeyd edək ki, Afrika İttifaqına 55 dövlət daxildir.