Şok: “Gizli sənəd...” – Kremlin Qarabağ açıqlaması İrəvanda etiraz yaratdı

Ermənistan Xarici İşlər Nazirliyi Rusiyanın xarici işlər naziri Sergey Lavrovun aprelin 21-də Dağlıq Qarabağ münaqişəsi haqda verdiyi açıqlamaya münasibət bildirib.

Teleqraf.com xəbər verir ki, XİN-dən “Kommersant” qəzetinə verilən açıqlamada Lavrovun səsləndirdiyi fikirlər “qəbuledilməz” adlandırılıb.

Ermənistan Xarici İşlər Nazirliyinin açıqlamasında bildirilir:

“Keçən ilin aprel ayında Moskvada həqiqətən də Rusiya, Ermənistan və Azərbaycan xarici işlər nazirlərinin görüşü keçirilib, lakin tənzimləməyə mərhələli yanaşma təklif edən yeni sənədlər elan edilmədi.

15 aprel 2019-cu il tarixli iclasın nəticələri Ermənistan, Rusiya, Azərbaycan xarici işlər nazirləri və ATƏT-in Minsk Qrupu həmsədrlərinin danışıqların detallarının açıqlandığı ortaq bəyanatda tərtib edilib. Burada danışıqlar və mərhələli tənzimlənmənin arayışları və hətta göstərişləri yoxdur.

Ermənistan üçün 2018-ci ilə qədər təqdim olunan və Dağlıq Qarabağ münaqişəsinin həllinin mərhələli variantını nəzərdə tutan təkliflər qəbuledilməzdir, üstəlik, 2018-ci ildən bəri Ermənistan mərhələli tənzimləmə əsasında danışıqlar aparmır”.

Məlumatda Sergey Lavrovun aprelin 21-də səsləndirdiyi bu fikirlərə də diqqət çəkilib:

“Qarabağ məsələsi ilə bağlı digər sənədlər arasında bir il əvvəl, keçən ilin aprel ayında Moskvada həmsədrlərin iştirakı ilə Rusiya, Ermənistan və Azərbaycan xarici işlər nazirlərinin iclasında müzakirə olunan variantlar var və bu, indi fəal müzakirə olunur”.

Həmin gün Ermənistanın xarici işlər naziri Zohrab Mnatsakanyan Lavrovun açıqlamasına erməni tərəfinin belə bir sənəd müzakirə etmədiyini bildirdi və erməni tərəfdən heç bir güzəştin olmayacağını vurğuladı.