İsrail ABŞ və ərəb ölkələri ilə İrana qarşı birləşdi

İsrail ABŞ və ərəb ölkələri ilə İranın nüvə müharibəsi ilə bağlı addımlarının qarşısını almaq üçün anlaşıb.

Teleqraf.com xəbər verir ki, bu sözləri İsrail Baş naziri Binyamin Netanyahu İsrail dövlət televiziyasına açıqlamasında deyib.

Qeyd edək ki, İsrail baş naziri ölkəyə səfər edən ABŞ Milli Təhlükəsizlik Müşaviri Robert Obraynla birlikdə Qərbi Qüdsdə mətbuat konfransı keçirib.

Netanyahu İranın dünyada sülhü təhdid etdiyini bildirib. Eyni zamanda İranın dayandırılmadığı təqdirdə nüvə müharibəsi təzyiqi ilə Avropa və Amerikanı hədəfə ala bilmə səviyyəsinə çatacağını deyib: “Dünyada sülhə qarşı yönələn bu böyük təhdidin qarşısını almaq üçün hər birimiz birləşməliyik”.