Rusiya ilə nəticəsiz danışıqlar - ... və daha bir qaz görüşü

Oktyabrın 29-da Brüsseldə Rusiya, Ukrayna və Avropa İttifaqı arasında qazın nəqli və tarifləri ilə bağlı üçtərəfli danışıqların növbəti mərhələsi keçiriləcək. Xatırladaq ki, tərəflər arasında müvafiq məsələ ilə bağlı aprel ayından başlayaraq, aparılan danışıqlar indiyədək nəticəsiz bitib.

Teleqraf.com-un "RİA Novosti" agentliyinə istinadən verdiyi xəbərə görə, bunu Avropa İttifaqının enerji məsələləri üzrə komissarı Günter Ettinqer bəyan edib.

Ettinqer danışıqlarda irəliləyişin olduğuna ümid etdiyini bildirib. Bundan əvvəl xəbər verilirdi ki, Aİ və Kiyev Ukraynaya qaz təchizatı ilə bağlı üçtərəfli danışıqlar ərəfəsində öz mövqelərini razılaşdırıblar.