Trampın tərəfdarları ilə polis arasında qarşıdurma

Vaşinqtonda Trampın tərəfdarları Kapitoli ətrafındakı hasarlar vasitəsilə binalardan birinə daxil olublar.

Teleqraf.com xəbər verir ki, polis Trampın tərəfdarlarını dağıtmaq üçün gözyaşardıcı qazdan istifadə edib.

Polis əməkdaşları ilə etirazçılar arasında baş verən toqquşmalar zamanı bir neçə nəfər xəsarət alıb.

Yerli mətbuatın məlumatına görə, Konqresin binası polis əməkdaşları tərəfindən əhatəyə alınıb. Buna baxmayaraq, Trampın tərəfdarları binaya daxil olmağa cəhd göstəriblər.

ABŞ Senatı Konqres qarşısındakı etirazlara görə, iclasını yarımçıq dayandırıb.

Senator Lenkford bildirib ki, etirazçılar Kapitoli binasına soxulublar və Senatın zalını əhatəyə alıblar.