Ehtimal olunan müharibə: “Türkiyə qarşısında aciz qalacaqlar”

“Türkiyə ilə ehtimal olunan müharibədə Yunanıstan ordusunun tankları türk dronları qarşısında aciz qalacaq”.

Teleqraf.com xəbər verir ki, bu barədə Amerika nəşri “The National Interest” yazıb.

Nəşr qeyd edib ki, Yunanıstanın Almaniya və ABŞ-dan aldığı 1341 tankı, Türkiyənin isə 3000 tankı var. Bundan əlavə, Türkiyə inventarındakı bəzi tankları özü istehsal edir.

Məqalədə Türkiyənin tank qüvvələri ilə yanaşı dron potensialı da yer alıb.

“Türkiyə dron sahəsində bir növ supergücə çevrilib və bunları təkcə öz ordusu üçün istehsal etmir, eyni zamanda, bu PUA-ların böyük ixracatçısıdır”, - nəşr yazıb.

Mənbə ehtimal olunan savaşda Türkiyənin Yunanıstan qarşısında böyük və müqayisəedilməz üstünlüyünün olduğunu da vurğulayıb.