Metro stansiyasını su basdı, hərəkət dayandırıldı - Moskvada təbii fəlakət

Moskva metropoliteninin “Yasenevo” stansiyasını su basıb, ərazidə qatarların hərəkəti dayandırılıb.

Teleqraf.com xəbər verir ki, bu barədə paytaxtın nəqliyyat departamentinin “Telegram-kanal”ı məlumat yayıb.

““Yasenevo” stansiyasına şəhər ərazisindən çox miqdarda su daxil olur. Su vestibülə və qismən də stansiya platformasına tökülür”, - deyə məlumatda qeyd olunur.

Bildirilir ki, sərnişinlərin təhlükəsizliyini təmin etmək üçün “Tyoplıy Stan” və “Novoyasenevskoy” stansiyaları arasında qatarların hərəkəti müvəqqəti dayandırılıb.

Bundan əvvəl sinoptiklər bazar ertəsi Moskvada aylıq yağıntının 70%-ni təşkil edəcək “superdaşqın” gözlənildiyi barədə xəbərdarlıq etmişdilər.