“Hələb işğal olunsa…” - Türkiyədən Suriya ilə bağlı narahatlıq

Türkiyənin Baş naziri Əhməd Davudoğlu Hələbin İŞİD tərəfindən işğal olunacağı təqdirdə böyük qaçqın ordusu ilə qarşı-qarşıya qalacaqlarını deyib.

Axar.az xəbər verir ki, etibarlı bölgə yaradılmasının tərəfdarı olduğunu deyən Davudoğlu Suriya ilə bağlı narahatlığını gizlətməyib:

“Suriya xalqı üç il yarımdır ki, şərəfli mübarizə aparır. Hələbin işğal olunması bizi çox narahat edir. Türkiyə böyük qaçqın ordusu ilə qarşılaşa bilər”.

Xatırladaq ki, Suriyanın şimal-şərqində yerləşən və Hələb vilayətinin mərkəzi sayılan bu şəhər həm də Suriyanın əhali sayına görə ən böyük şəhəridir. Ümumi ərazisi 16 min kv.km olan Hələbdə 4 milyon 393 min əhali yaşayır.