İŞİD-lə Taliban arasında toqquşma - 17 ölü

Əfqanıstanın şərqində İŞİD qruplaşması ilə toqquşma nəticəsində Taliban hərəkatının azı 17 döyüşçüsü həlak olub.

Teleqraf.com Kabul News telekanalına istinadla xəbər verir ki, insident Pakistanla sərhəddə yerləşən Zabul əyalətində baş verib. Məlumata görə, İŞİD silahlıları talibləri pusquya salıb. Həmçinin döyüş nəticəsində üç İŞİD üzvünün də öldürüldüyü bildirilir.

Sentyabrın 29-da Taliban hərəkatı son bir ayda dinc sakinlərin və taliblərin ölümü ilə nəticələnən bir neçə partlayışın və silahlı hücumun baş verdiyi paytaxt regionunda və ölkənin şərqində yerləşən Nanqarhar əyalətində İŞİD qruplaşmasına qarşı əməliyyata başladığını elan edib. Həmin hücumların bəzilərinin məsuliyyətini İŞİD-in Xorasan qruplaşması üzərinə götürmüşdü.