Rus qırıcısı Türkiyə yaxınlığında: ilk dəfədir ki... - Gərginlik artır

Raketlərlə təchiz edilən rus qırıcısı Türkiyənin yaxınlığında görünüb. Rus ordusu eyni zamanda ilk dəfə ABŞ qüvvələrinə bu qədər yaxınlaşıb.

Teleqraf.com xəbər verir ki, Türk dronu- "Bayraqdar-TB2" Ukraynada keçirilən uğurlu hücumda iştirak etdikdən sonra Rusiya Türkiyə ilə sərhədin 3 kilometrliyinə ilk dəfə hərbi təyyarə endirib.

Son həftələrdə Suriyada rejimə qarşı olan qüvvələri hədəfə alaraq bombardmanlarını artıran Rusiyaya aid S-35 qırıcısının peyk fotoları da ortaya çıxıb.

Türkiyənin Suriya ilə sərhədindən bir neçə kilometr aralıda yerləşən Qamışlıya enən S-35 qırıcısına yüklənən ortamənzilli R-77 və qısamənzilli R-73 raketləri xüsusilə diqqət çəkib. Yerli qaynaqlar Rusiyaya aid Mi-8 helikoterinin də iki Ka-52 helikopteri müşahidəsində Qamışlıdakı hava limanından Hələbə uçduğunu bildirib.

İngilis mediası PKK/YPG terror təşkilatının Qamışlıya enən rus qırıcısının Suriyanın şimalında yerləşən ABŞ hərbi personalına çox yaxınlaşdığını qeyd edib.

Qeyd edək ki, 2015-ci ilin sentyabrından Suriyada başlayan vətəndaş müharibəsi ilə Rusiya prosesə qatılıb. Ruslar xüsusilə, Himeymim və Tartus bazalarında yerləşib. Moskva bu ilin mayında nüvə raketlərini daşıya bilən Tu-22M3 bombardmançı təyyarələrini ilk dəfə Suriyadakı Hmeymim bazasında yerləşdirib.