Ukrayna ordusu da təlimlərə başladı

Bu gün Ukrayna Silahlı Qüvvələri hərbi təlimlərə start verib.

Teleqraf.com xəbər verir ki, bu barədə Ukrayna Müdafiə naziri Oleksey Rezinkov bildirib.

Qeyd edək ki, Ukrayna ordusu bu gün Belarus-Rusiya ordularının birgə keçirdiyi təlimlərə paralel təlim keçirir.

Hər iki təlim 10-20 fevral tarixlərini əhatə edəcək. Ukrayna ordusu təlimlərdə Türkiyədən aldığı “Bayraqdar TB2”, ABŞ-dan verilən “Javelin” tank əleyhinə silahlardan və NLAW sistemlərindən istifadə edəcək.

Rusiya-Belarus ordusunun Belarusda keçirdiyi təlimlər əsasən Polşa və Ukrayna sərhədləri istiqamətindədir. Ukrayna tərəfi təlimlərinin hansı poliqonlarda keçiriləcəyini açıqlamasa da, ehtimal olunur ki, bu, Belarusla sərhədə yaxın ərazilərdə baş tutur.