Almaniya kanslerindən kritik Türkiyə səfəri

Bu gün Almaniya kansleri Olaf Şolts Türkiyəyə səfər edəcək.

Teleqraf.com-un məlumatına görə, səfər zamanı Türkiyə-Almaniya münasibətlərinin müxtəlif aspektləri müzakirə ediləcək.

Eyni zamanda, Şolts Türkiyədə ikitərəfli əməkdaşlığın daha da inkişaf etdirilməsi yolları ətrafında fikir mübadiləsi aparmağı, Ukraynadakı vəziyyət və Türkiyə ilə Aİ arasında münasibətlərin vəziyyəti vurğulanmaqla regional və beynəlxalq gündəliyin aktual məsələlərinin müzakirəsini planlaşdırır.

Qeyd edək ki, bu, O.Şoltsun 2021-ci ilin dekabrında Almaniya kansleri seçildikdən sonra Türkiyəyə ilk səfəri olacaq.