Rus ordusuna ölümcül zərbə - Canlı qüvvə ilə birgə məhv edildi

Ukrayna müdafiə qüvvələri Çerniqov vilayətində işğalçı rus ordusunun böyük kolonunu məhv edib.

Teleqraf.com xəbər verir ki, bu barədə Ukrayna Silahlı Qüvvələrinin “Şimal” əməliyyat komandanlığı məlumat yayıb.

Məlumatda qeyd edilib ki, işğalçıların iki “Tiqer” zirehli texnikası, bir “Ural” markalı yük maşını və bir T-72 tankı zərərsizləşdirilib. Bundan başqa, düşmənin 8 texnikası zədələnib, ərzaq dolu “Ural” markalı yük maşını ələ keçirilib. Düşmənin canlı qüvvəsi 22 nəfər olub – onlar da məhv edilib.

Ukrayna ordusu bundan əvvəl Çerniqov vilayətinin Priluki rayonu yaxınlığında işğalçıların daha bir kolonunu məhv edib, “Uraqan” yaylım atəş sistemini qənimət kimi ələ keçirib.