Rus diversantlar Kiyevə daxil oldu - Son dəqiqə

Rusiya xüsusi təyinatlıları yenidən Ukraynanın paytaxtı Kiyevə daxil olub.

Teleqraf.com xəbər verir ki, bu barədə Kiyev vilayətinin hərbi administrasiyasının rəhbəri Aleksiy Kuleba bildirib.

O bildirib ki, hüquq-mühafizə orqanlarının əməkdaşları komendant saatı zamanı küçədə olan hər kəsi xüsusi buraxılış olmadan daha diqqətlə yoxlayacaqlar.

"Kiyev vilayətinin sakinləri! Xatırlatmaq istəyirəm ki, rayonda axşam saat 23-dən səhər saat 5-ə kimi komendant saatı var. Onu da qeyd edirəm ki, biz komendant saatına riayət olunmasına nəzarəti gücləndiririk. Regionda təxribat qrupları fəaliyyət göstərir. təxribat təhlükəsi aradan qalxmayıb”, - Kuleba vurğulayıb.