1000 haubitsa, 300 MLRS və 500 tank - Ukrayna üçün qələbə düsturu

Rusiya ilə müharibəyə son qoymaq üçün Ukraynaya 155 mm-lik 1000 haubitsa, 300 reaktiv yaylım atəş sistemi (MLRS), 500 tank və 2000 zirehli maşın lazımdır.

Bu barədə Ukrayna prezidentinin aparatının rəhbərinin müşaviri Mixaylo Podolyak məlumat verib.

İyunun 15-də Brüsseldə Ukraynaya yardım üzrə təmas qrupunun müdafiə nazirlərinin görüşünün keçiriləcəyinə işarə edən Podolyak lazımi silahların Kiyevə tədarükü ilə bağlı qərar qəbul ediləcəyinə ümidini ifadə edib.