14 İyun 2022 22:11
901
12 Punto 14 Punto 16 Punto 18 Punto

Çin hakimiyyəti adanın ərazisini ələ keçirmək üçün Tayvanda “qeyri-hərbi” xüsusi əməliyyat keçirməyə hazırlaşır.

Teleqraf.com xəbər verir ki, bu barədə “Radio Free Asia” məlumat yayıb.

Bir sıra siyasətçilər və ekspertlər radioya Çin lideri Si Cinpinin iyunun 13-də imzaladığı direktivdən narahat olduqlarını bildiriblər. Həmin sənədə əsasən, Çin ordusu “təhdidlərin qarşısını almaq”, “sülhü qorumaq” və “suverenliyi mühafizə etmək” üçün xüsusi əməliyyatlar keçirə bilər.

Çinin “Global Times” qəzeti isə söhbətin müharibələrdən yox, digər əməliyyatlardan getdiyini iddia edib. Direktivin tənqidçiləri hesab edirlər ki, bununla Pekin özünü Tayvanı işğal etmək üçün hüquqi əsasla təmin edir.

Çin Müdafiə Nazirliyinin sözçüsü Vu Syan deyib ki, əgər kimsə Tayvanı Çindən ayırmağa cəhd edərsə, Pekin hərbi əməliyyata hazırdır. Müvafiq bəyanat ABŞ-ın Çinin mümkün işğalı narahatlığı ilə əlaqədar Tayvana göstərilən hərbi yardımın həcmini artıracağını açıqladıqdan sonra verilib.


Müəllif: Mənsur Rəğbətoğlu