Ukrayna taxılını daşıyan gəmi istiqamətini dəyişdi

“Ukraynadan taxıl və qarğıdalı yükü daşıyan “Razoni” gəmisi marşrutunu dəyişib. Odessadan yola düşən və Livanın Tripoli limanında olan gəmi ilkin elan edilmiş təyinat yerinə çatmazdan əvvəl istiqamətini dəyişib. Görünür, gəmi yeni təyinat yeri ilə bağlı təlimat gözləyir”.

Teleqraf.com "Gazeta.ru"ya istinadən xəbər verir ki, bu barədə Livanın ictimai işlər və nəqliyyat naziri Əli Hamiyə məlumat verib.

O, bildirib ki, yük gəmisi avqustun 1-də 26 min ton həcmində qarğıdalı ilə Odessa limanından çıxıb və bu gün səhər saatlarında Livana çatmalı idi.

Qeyd edək ki, avqustun 2-də Ukraynanın Odessa limanından​ yola düşən taxıl ilə dolu ilk gəmi İstanbula çatıb. Birgə Koordinasiya Mərkəzinin üzvləri tərəfindən gəmiyə baxış keçirilib.