Ukrayna ordusu Antonovski körpüsünü vurdu?

Bu gün səhər saat 5-də Antonovski körpüsünün ərazisində partlayış səsləri eşidilib.

Teleqraf.com xəbər verr ki, bu barədə Ukrayna mənbələri məlumat yayıb.

Məlumata görə, Rusiyanın işğalı altında olan Xersonda körpünün yaxınlığında partlayış səsləri eşidilib, daha sonra yanğın başlayıb.

Hadisə yerindən videolar yayılıb. Kadrlarda partlayış səsləri eşidilsə də, yeri görünmür.

Ukrayna Silahlı Qüvvələri Antonovski körpüsünə növbəti zərbələrin endirilməsini hələlik təsdiqləməyib.

Qeyd edək ki, avqustun əvvəlində Ukrayna hərbçiləri Antonovski körpüsünə bir neçə dəfə zərbə endirib.